बालबालिकाको अधिकार तथा हक हितको संरक्षण र सम्वर्द्धन गर्ने प्रमुख उद्देश्यका साथ गठित राष्ट्रिय बाल अधिकार परिषद्को प्रमुख कार्यक्षेत्र देहाय बमोजिम रहेको छः-
क. नीतिगत परामर्शः- राष्ट्रिय बाल अधिकार परिषद्ले बालमैत्री वातावरण विकास गर्नका लागि संघ, प्रदेश र स्थानीय सरकारसँग पैरवी गर्नुको साथै बालमैत्री कानून, नीति, योजना, कार्यक्रमजस्ता विषयमा कार्यान्वयन अभिबृद्धि गर्न थप प्रयास गर्नुपर्नेछ।
ख. क्षमता विकासः- नयाँ संरचनालगायत अन्य सरोकारवाला निकायको क्षमता विकास गरी बालबालिकाको विषयमा अझबढी नतिजामूलक कार्य गर्न आवश्यक छ।
ग. राष्ट्रिय बाल संरक्षण प्रणालीको सञ्चालन, व्यवस्थापन, सवलीकरण र विस्तारः- बाल हेल्पलाइन सेवा, अनाथ सहायता, सडक बालबालिकाको उद्दार र संरक्षणलगायतका कार्यमा परिषद्ले नेतृत्वदायी भूमिका निर्वाह गर्ने।
घ. प्रवर्धनात्मक कार्यहरुः- बाल अधिकारबारे चेतना जागरणका कार्यहरू, बालमैत्री शासन, बाल संरक्षण मापदण्ड, बाल सहभागिता मापदण्ड प्रवर्धन गर्ने।
ङ. समन्वयका कार्यहरुः- बाल अधिकारको सम्वर्धनका लागि नागरिक, अन्तर्राष्ट्रिय संस्था तथा बाल अधिकार परियोजनाहरूसँग समन्वय गर्ने।
